Omorganisering inneber svært ofte at arkivsakene skiftar plass og representerer dermed ein trussel mot arkivet si opphavelege ordning. Ved større endringar, som nedlegging, privatisering eller kompliserte organisasjonsendringar, er det difor naudsynt å sikre at arkivet fram til endringa bevarast som ei eining. I slike høve krev det skarpt periodeskilje.

Periodisering er ikkje naudsynt ved mindre omorganiseringar, når organet kjem med eller tek i mot små einigar, eller ved mindre interne omorganiseringar innafor rammene av eit sentralarkiv. Arkivtenesta bør uansett kontakte AAMA ved alle høve av små eller store omorganiseringar.